Պրեսբիօպիայի /տարիքային հեռատեսության/ շտկում Ս.Վ. Մալայանի անվան ակնաբուժական կենտրոնում

31 հոկտեմբերի 2016 | Նորություններ | Цитата

Ս.Վ. Մալայանի անվան ակնաբուժական կենտրոնում առաջին անգամ 4 տարի առաջ Գլաուկոմայի բաժանմունքի վարիչ, դոցենտ Լիլիթ Ա. Ոսկանյանի կողմից, իսկ այժմ արդեն լայնածավալ կատարվում է Պրեսբիօպիայի վիրահատական շտկում (ժողովրդական՝ տարիքային հեռատեսություն, որի շնորհիվ մարդն ազատվում է մոտիկի հոգնեցուցիչ ակնոցներ կրելուց):

Մոտ 2 տարի առաջ առաջին անգամ Հայաստանում նույն կլինիկայում կատարվեց աստիգմատիզմի վիրահատական շտկումը կատարակտայի հետ միաժամանակ Բորբոքային բաժանմունքի վարիչ, պրոֆեսոր Աննա Վ. Հովակիմյանի կողմից:

Այսօր ակնաբուժական աշխարհում տեղի է ունենում Ռենեսանսի դարաշրջան, երբ վերջապես ամենաօպտիմալ միջամտության տեսակն ընդունվեց և ծավալվեց որպես տեսողության տարիքային թուլության շտկման մեթոդ: Այն կատարվում է հիմնականուն 40-45 տարեկանից բարձր անձանց մոտ, հատկապես էֆեկտիվ է հեռատեսների համար, քանի որ նրանք ազատվում են միանգամից 2 առանձին ակնոց կրելուց:

Այս վիրահատության իմաստն է սեփական բնական ոսպնյակը փոխարինել այնպիսի մի արհեստականով, որը շտկում է հեռվի, մոտի և միջին հեռավորության տեսողությունը: Միևնույն ժամանակ հատուկ լինզայով նաև շտկվում է աստիգմատիզմը, հեռատեսությունը և կարճատեսությունը: Ուստի այն կարող է կատարվել 40 տարեկանից ցածր այն անձանց մոտ, ովքեր ունեն բնածին երիտասարդական կամ տրավմատիկ կատարակտա: Դրանով իսկ անձն ազատվում է ակնոցներ կրելուց:

Այսօր Ս.Վ. Մալայանի անվան ակնաբուժական կենտրոնն ունի անհրաժեշտ բոլոր նորագույւն սարքավորումները, ինչպես նաև պատրաստված և տիրապետող բժիշկներ, ում շնոհիվ ակտիվ կատարվում են այս վիրահատությունները:



  • Santen
  • Magistros
  • Alcon
  • Tomey
  • Leica
  • Ziemer